Energjia shkrumbon shtëpinë, në rrugë 4 pjesëtarë

Korçë- Katër pjesëtarë të një familje në Korçë kanë mbetur në mes të katër rrugëve, kur shtëpia e tyre u shkrumbua sot në mesditë. Ngjarja ndodhi në fshatin Belorta kur një shkëndije elektrike dogji gjithë banesën e tyre.

Një grup hetimore ka shkuar në këtë fshat që gjendet 6 km larg qytetit të Korçës dhe po heton për shkaqet. Ndërkohë 4 pjesëtarët e familjes Meçolli nuk kanë ku të strehohen. Kryefamiljari Lulzimi, babai i dy fëmijëve bën thirrje për ndihmë. Deri tani është ofruar Kryqi i Kuq Shqiptar, që ka premtuar ushqime për këtë familje.