Obama shpreh shqetësim për Gazën. “Veprimet e mia pas 20 janarit”

Presidenti i zgjedhur amerikan, Barak Obama, duke thyer heshtjen lidhur me luftën në Gaza, shprehu sot shqetësimin e tij të thellë lidhur me humbjen e jetës së civilëve në Gaza dhe Izrael. Ai u shpreh pas sulmit izraelit që shkaktoi vdekjen e të paktën 40 palestinezëve në një shkollë të drejtuar nga OKB-ja, ku strehoheshin civilë, Obama u tha gazetarëve se “humbja e jetës së civilëve në Gaza dhe Izrael është një burim shqetësimi të thellë për mua”.

Presidenti nuk bëri komente gjatë javës së parë të operacionit ushtarak të Izraelit. Ai ishte me pushime në fermën e tij në Teksas dhe la zëdhënësin që të komentonte në vend të tij, për krizën në Lindjen e Mesme.

Fillimisht Presidenti foli për gjendjen në Gazë të premten, në fjalmin e tij të përjavshëm në radio. Dje, ai bëri komente për gazetarët, që i kishte thirrur për pak kohë në zyrën e tij, për të qenë të pranishëm në momentet e fundit të takimit me Zëvendëspresidentin e parë të Sudanit, Salva Kiir.

Presidenti tha se e justifikonte veprimin e Izraelit për t’u vetëmbrojtur dhe se situata aktuale në Gazë ishte shkaktuar nga Hamasi.

"Unë e kuptoj dëshirën e Izraelit për t’u vetëmbrotjur dhe se gjendja e krijuar tashmë në Gazë është shkaktuar nga Hamasi," - tha Presidenti.

Shtetet e Bashkuara e konsiderojnë Hamasin organizatë terroriste; dhe ndërsa i kërkoi Izraelit të bëjë ç’është e mundur për të kufizuar numrin e viktimave mes civilëve, Presidenti Bush nuk bëri thirrje që t’i jepet fund sulmit. Në komentet tij në Shtëpinë e Bardhë ai e bëri edhe një herë të qartë se mendon që Hamasi po i shfrytëzon njerëzit në Gazë për arritjen e synimeve të militantëve.

"Në vend që të kujdeset për popullin në Gazë, Hamasi ka vendosur ta përdorë Gazën për hedhjen e raketave, për të vrarë izraelitë të pafajshëm. Dhe Izraeli duket se ka vendosur të mbrojë popullin e vet," - tha Presidenti.

Zoti Bush i bëri këto komente ndërsa ushtria izraelite i ka vazhduar sulmet në Gazë për të dhjetën ditë me radhë dhe Hamasi nga ana e tij ka vazhduar të hedhë raketa të tjera në Izraelin jugor.

Numri i të vrarëve në Gazë tani është 540 vetë. Presidenti tha se është i shqetësuar për krizën humanitare që po ndodh atje.

"Ne na vjen keq për popullin e Gazës dhe për këtë arsye, i kemi dhënë miliona dollarë ndihma të reja OKB-së, për ta ndihmuar popullin e Gazës."

Presidenti Bush theksoi edhe një herë se ndërsa do të dëshironte që të përfundonte dhuna në Gazë, çdo armëpushim që mund të arrihet, sipas tij duhet të jetë i qëndrueshëm dhe të respektohet nga të gjithë.

Ai theksoi se thirrjet që Izraeli t’i japë fund sulmeve po vijnë nga të gjitha anët, brenda dhe jashtë botës arabe. Ai tha se ata që kërkojnë përfundimin e menjëhershëm të luftimeve kanë ambicie fisnike, por ai shtoi se çdo armëpushim duhet të përfshijë kushte, që Hamasi të mos e përdorë Gazën si një vend nga ku të hedhë raketa ndaj Izraelit.