Gjirokastër, tre divorce në javë

GJIROKASTËR- Çdo javë në Gjirokastër ndahen tre çifte bashkëshortësh. Ky argument është bazuar në bazë të statistikave që ka bërë publike gjykata e rrethit. Gjatë periudhës janar-qershor të këtij viti, pranë kësaj gjykate janë depozituar 110 kërkesa për shkurorëzim, gjë që do tëthotë se numri i të zhgënjyerve nga martesat po vjen gjithnjë e në rritje. Sipas punonjësve të sekretariatit në Gjykatën e Gjirokastrës, kërkesat për shkurorëzim kanë pësuar një rritje të konsiderueshme këtë vit krahasuar me të njëjtën periudhë të vitit të kaluar. Mosha e çifteve për shkurorëzim është nga 22 deri në 35 vjeç. Kjo tregon se kryesisht janë çiftet e reja ato që zgjedhin të divorcohen. Shkurorëzimet kanë ardhur në shumicën e rasteve për tradhti bashkëshortore, gjendja e vështirë ekonomike dhe mungesa e kontakteve të drejtpërdrejta fizike.