Tiranë, vret veten agjenti i antidrogës

TIRANË- Një agjent i antidrogës pranë policisë së Tiranës i ka dhënë fund jetës duke qëlluar veten me armën e shërbimit. Ngjarja ndodhi mbrëmë rreth orës 20:00 kur agjenti i antidrogës Lorenc Muça vrau veten në banesën e tij që ndodhet në lagjen “Ali Demi” në Tiranë. Specialistët e seksionit të luftës kundër jetës dhe shëndetit pranë policisë së Tiranës mbërritën menjëherë në vendin e ngjarjes për të sqaruar rrethanat e vetëflijimit. Në banesën e agjentit shkuan edhe shumë kolegë të tij të cilët ishin shokuar nga ngjarja.

Në vendin e ngjarjes mbërritën edhe zyrtarë të lartë të drejtorisë së policisë së qarkut Tiranë si dhe eprorë të 24-vjeçarit Muça. Policia nisi hetimet për të zbardhur rrethanat që detyruan agjentin 24-vjeçar të qëllonte veten me armë. Grupi hetimor i formuar për këtë ngjarje bëri këqyrjen e vendit ku u gjet i vetëvrarë Muça duke zbuluar një letër, të cilën e kishte shkruar i riu pak para se të vetëvritej. Policia thanë se në letër ai ka shkruar motivet që e detyruan të vrasë veten, duke mos dhënë më shumë detaje.

Mësohet se Muça ka qenë vetëm në banesë, dhe pasi ka shkruar një letër ai ka qëlluar veten me pistoletën e shërbimit. Një plumb në kokë ka qenë fatal për jetën e 24-vjeçarit duke e lënë të vdekur në vend. Ka qenë familjarët e tij të cilët gjetën të mbuluar me gjak trupin e djalit. Ka qenë e kotë ndihma pasi agjenti kishte ndërruar jetë. Kolegët e të ndjerit kanë sekuestruar letrën të cilën ai ka shkruara pak para se të qëllonte veten, e cila pritet të zbardhë dhe rrethanat që detyruan atë t’i jap fund jetës.

Policia nuk bëri të ditur motivin që çoi në vetëvrasje 24-vjeçari duke deklaruar se ende nuk kanë përfunduar hetimet. Lorenc Muça prej më shumë se tre vjetësh ishte agjent në Policinë e Tiranës. Më parë ai kishte qenë agjent në komisariatin e policisë nr.3, dhe më pas në komisariatin nr.4.

Ndërsa prej rreth një viti 24-vjeçari Muça ishte agjent pranë seksionit të luftës kundër drogën në policinë e kryeqytetit. Ai njihej nga të gjithë kolegët si një agjent punëtor ndërsa, nuk kishte shfaqur asnjëherë shenja mërzitjejetë cilat mund të justifikonin sado pak veprimin fatal të tij që kreu mbrëmë.