“S’kemi ushtri, por një grup pa ndikim, që ua ka marrë erzin politika”

Unë e kam një mendim civil, për këtë punën e ushtrisë. Realisht, ne nuk kemi ushtri. Ka një klasë politike që paguan një pjesë, për të kryer detyra mercenarësh. Këta mercenarë të organizuar, armatosur dhe përgatitur së bashku me oficeret e n/oficerët aktivë përbëjnë Ushtrinë tonë të sotme.

Të mjerët oficerë! Për rrjedhojë, sot për sot janë disa rrogëtarë pa asnjë farë ndikimi, në asnjë fushë të jetës së vendit. Me ta çdo lloj halabaku që bëhet ministër, mund të sillet si të dojë!

Veçanërisht ky k/ministri i sotëm ka dhënë shembullin më pikant të përdorimit të Ushtrisë, si organizim xhandarmërie për të shtypur lëvizjet e ’97-ës. Pasi dështoi, ai hodhi hapat e parë të mercenarizimit, duke rekrutuar forca me pagesë.

Kjo ka qenë arsyeja përse NATO-n unë ua uroj vetëm familjeve të ushtarakëve si mirëqenie ekonomike. Përsa i përket rolit dhe personalitetit të tyre, Politika i ka shumëzuar me zero!