“Kaq shumë para të harxhuara dhe historia me ujin vazhdon”

Në qytetin e Rrëshenit, vazhdon që prej vitit 1990 që uji i pijshëm të jetë tejet i pistë. Banorët janë të detyruar që të mbushin ujë nëpër burime e korije. Në vitin 2003 u akordua një fond prej 3 milionë dollarë, me qëllimin që uji i pijshëm të sillej nga burimet e bjeshkëve të Fanit dhe Barregjanës.

U arrit që uji të vinte deri në qytetin e Rrëshenit dhe fshatrave përreth, por asnjëherë nuk u lidh me rrjetin e qytetit. Në vitin 2006, filluan punimet për ndërtimin e autostradës Rrëshen-Kukës. Nga punimet janë prishur të gjitha tubacionet kryesore. Kush mban përgjegjësi për dëmin?

Përsëri banorët e Rrëshenit vazhdojnë odisenë e Bidonëve e Kazanëve, si në kohën e qëmotshme. Ju falënderojmë dhe ju urojmë për rubrikën e hapur nga Ju, ku ne qytetarët në mëshirë të fatit, të paktën qajmë hallet me njëri-tjetrin.