"Nuk mund ta kuptojnë veten pa kollajllëkun që të jep politika"

Nuk kanë të drejtë politikanët e shumtë të këtij vendi, që të bëjnë akoma teatër me këtë vend. Sasia e madhe e partive politike në këtë vend të vogël, nuk ka qenë për "nevojat" e politikës demokratike, por për nevojat e një sasie të madhe njerëzish që nuk mund ta kuptojnë veten pa kollajllëkun që të jep politika.

Pa patur frikë se mund të më akuzojnë për nihilist, do të thosha së reforma është çelësi i shpëtimit të politikës nga paradigma populiste, nga megalomania parazitare, nga shpenzimet e tepërta.

Politika shqiptare me një sasi kolosale partish, kishte kohë që kishte rënë në stanjacionin e vet sasior dhe cilësor.

Natyrisht, është detyrë e politikanëve reformistë, intelektualëve dhe qytetarëve, që të bëjnë çdo gjë për të hequr ambalazhet e demagogjisë me të cilën po përpiqen të sulmojnë thelbin pozitiv, kuintesencën reformuese të reformës zgjedhore.