“Ne shqiptarët kujtohemi të ndërtojmë çatinë kur fillon të bie shi”

Përshëndetje! Faleminderit për rubrikën. Në radhë të parë, doja të thoja që ne shqiptarët duam të gjithë të ndërtojnë çatinë kur fillon të bie shi. Nuk ankohemi për nivelin e dobët të arsimimit mjekësor.

Nuk ankohemi për sallat e studentëve, ku bankat e fundit nuk dëgjojnë. Nuk ankohemi për nivelin e dobët të librave që përkthejnë studentët për pedagogët dhe marrin 10 me bisht. Nuk ankohemi për nivelin e dobët të Fakultetit të Infermierisë. Nuk ankohemi për sekretaret që janë bërë si dekane në fakultet dhe i trajtojnë studentët si kafshë për një vërtetim.

Por kujtohemi të ankohemi kur “armiku“ vjen tek dera dhe na ka futur tytën e tankut tek goja. Ky postim mundet edhe të mos publikohet fare. Dua të them që shume veta nuk ankohen atje ku duhet. Kjo është të kërkosh flori në minierën e kripës. Ju faleminderit! Nga një shqiptare.