“Serbët i morën këto lehtësime për në BE, pa asnjë kusht“

Ky qëndrim i BE, ka kohe që është materializuar. Serbisë iu dhanë lehtësira udhëtimi në BE duke shkurtuar procedurat e vizave, ndërkohë që të tere e dëgjuam se krimineli i luftës Karagjiq kishte qene neper takime në Austri, gjate kohes kur i fshihej Gjykatës së Hagës.

Per me teper, pasaporta e tij ishte e rregullt, sepse ishte dhene nga organet e ligjshme serbe. Nese një nga kriminelet me të medhenj të luftes së Bosnjes është në gjendje të marre një pasaporte të rregullt nga organet shtetërore serbe, si është e mundur që BE t’i pronoje pasaportat e ketij shteti? Sa kriminele të tjere kanë marre pasaporta të rregullta?

Ne na duhet të bejmë pasaportat biometrike për të marre lehtësime procedurash për viza, kurse serbet i morën keto lehtesime pa asnje kusht.

Kjo ndodh për arsyen e vetme se serbet tere kohen lozin kartën e viktimizimit të tyre. Mbajten Karagjiçin dhe Mlladiçin për me shume se 13 vjet për të perfituar sa me shume, që të ishte e mundur nga dorezimi i tyre. Pasi kryen krimet me të shemtuara të pasluftes, pasi vazhdojne të destabilizojnë Kosoven dhe tere Ballkanin Perëndimor, përpiqen të shfaqen si të ndryshuar.

Dhe në fund, do ia arrijnë qëllimit, do futen para nesh në BE. Kurse ne duhet të mbahemi fort pas kockave që na japin ndërkombëtaret e të buzëqeshim kur na rrahin shpatullat për rolin stabilizues që luajmë në Rajon.