“Dëshira për punë në shtet dhe veset tona, a kanë lidhje?”

A është rastësore që shumë të rinj, por jo vetëm ata, synojnë me çdo mjet e me çdo kusht një vend në administratën shtetërore? Si ka mundësi, kur rroga atje është shumë më e ulët se tek privati dhe për më tepër, janë punë sezonale sepse këtu partitë që nderrojnë njëra-tjetrën, të heqin nga puna edhe sikur të jesh i mbrojtur nga ligji?

Unë kam një përgjigje për këtë. Kjo lidhet me vesin tonë kombëtar të përtacisë dhe të vjedhjes. Le të na vijë keq sa të duam, por kjo tendencë për t’u punësuar në shtet, dëshmon qartë atë që thashë më sipër.

Pse? Sepse puna në administratën shtetërore dihet çfarë ritmi ka dhe çfarë parazitizmi mbart. Punë vetëm 5 ditë në javë, nga këto orare dhe mbikëqyrje minimale, plus gati gjysma e vitit ikën me pushime zyrtare, që pasojnë njëra-tjetrën. Veç kësaj, dihet që në mos rrjedhtë do pikojë, se ka gjithmonë ndonjë mundësi për hajdutërira të vogla apo të mëdha, meqë jemi më pranë lopës (lexo: shtetit)

Kjo është arsyeja që të rinjtë duan të punojnë aty? Parazitizmi dhe mundësia për të vjedhur? Mua kështu më duket, uroj mos qoftë.