“A e di kjo klasë degjeneruese politike se çfarë është falja!?”

A ka kërkuar ndonjëherë falje kjo politikë për fajet pa fund ndaj shqiptarëve!? A ka kërkuar ndonjëherë falje për piramidat që gllabëruan mbi 2 miliardë dollarë djersë e gjak të shqiptarëve brenda e jashtë Shqipërisë!?

A ka kërkuar ndonjëherë falje kjo politikë për katrahurën 1997 e 10 mijë viktimat e saj të pafajshme!? A ka kërkuar falje për shkallmimin e dyerve të institucioneve më të larta shtetërore me arkivolin e heroit të demokracisë, z. Azem Hajdari, duke e rivrarë atë!?

A ka kërkuar ndonjëherë falje për tragjedinë e parë Otranto!? Të dytën, të tretën, të katërtën? A ka kërkuar ndonjëherë falje për mijëra shqiptarë të vdekur kufijve në arrati nga varfëria? A ka kërkuar falje për tragjedi si e Farkës, ku nuk ka bërë detyrat e veta inspektuese, kontrolluese?

A ka kërkuar ndonjëherë falje për gjendjen në spitalet shtetërore, në arsimin shtetëror? A ka kërkuar falje për Gërdecin?

A e di kjo klasë degjeneruese politike se çfarë është falja!?