“Tipiku i atij fshatarit në atë shprehjen “Pa yllin, mori pyllin”

Është tipiku i atij fshatarit në atë shprehjen “Pa yllin, mori pyllin”. Shpesh ka pamjen natyrale të një idioti dhe shpesh të atij, që i rrotullon të gjithë për të kënaqur ndjenjat e tij perverse. I zgjuar nga natyra, finok dhe i paskrupull, tamam gringo i botës së lehtë të vulgut.

Ai nuk flet për drogën, ai është droga vetë. Transmetohen kur e tërë familja tradicionale ose ajo që pret mezi të bashkohet rreth tryezës, kupton që ai nuk është gjë tjetër veçse një shpërndarës me zor (me pahir) i së keqes në familjet tona.

E vetmja mënyrë është përjashtimi, pra ndërrimi i kanalit. Uroj fatin që i kemi tashmë tv me telekomande e nuk përtojmë edhe të çohemi prej tryezës. Ja që në mes të çoroditjes është edhe ky.

Nuk kam parasysh asnjë person në veçanti. Në këtë tipizim, mund të jetë secili prej moderatorëve tanë televizivë, ose të gjithë bashkë. Televizioni ynë ka shumë për të bërë: është mbushur me mediokritet dhe rrufjanllëqe