Milan-Inter, derbi për Tiago Silvën

Parashikohet një derbi i ri në fushën e merkatos midis Interit dhe Milanit. Objektivi Tiago Silva, mbrojtësi qendror i Fluminenses, i cilësuar unanimisht si më i forti nga panorama ndërkombëtare.

Prej kohësh janë zikaltrit ata që kanë arritur një marrëveshje me klubin brazilian për blerjen (rreth 10 milionë euro), por lojtari, me sa duket, kërkon Milanin e shokëve të tij Kaka, Emerson dhe Ronaldinjo. Drejtuesit kuqezi kanë organizuar çdo gjë me detaje për mbërritjen e mesfushorit anglez në Milano

Milan-Bekham, prezantimi më 21 dhjetor

Numërimi mbrapsht ka filluar. Mbas 25 ditësh, Devid Bekham do t'i prezantohet publikut kuqezi. Edhe pse në realitet data nuk është zyrtarizuar akoma, Milani po punon pa pushim, në mënyrë që mbërritja e anglezit në Milano të jetë e organizuar deri në çdo detaj. Ideja e drejtuesve kuqezi është ajo që ta prezantojnë me publikun më 21 dhjetor në "San Siro", me rastin e ndeshjes Milan-Udineze, dhe për shtypin një ditë më pas.

Pra, "etapat milaneze" të Bekhamit duhet të kenë pak a shumë këto data. David, i angazhuar deri më 6 dhjetor me ekipin amerikan, i ka bërë të ditur Milanit se do të bëjë disa ditë pushim para mbërritjes në Itali. Kështu që pritet në Milano për ndeshjen e fundit të kampionatit para pushimeve të dimrit, pikërisht më 21 dhjetor, për Milan-Udineze. Eshtë e sigurt se mesfushori anglez nuk do të jetë i pranishëm në darkën e Krishtlindjeve, që drejtuesit e Milanit e kanë programuar më 15 dhjetor dhe ku duket se do të marrë pjesë edhe presidenti i kuqezinjve Silvio Berluskoni.

Menjëherë pas mbërritjes së tij, pasi të jenë zhvilluar edhe prezantimet e nevojshme, Bekham do të largohet sërish për të festuar Krishtlindjen, për t'u bashkuar me skuadrën më 29 dhjetor direkt në Dubai, ku, nëse e lejon gjendja fizike e lojtarit, do të zhvillojë ndeshjen e tij të parë miqësore me kuqezinjtë kundër Hamburgut.

Ndërkohë, administratori i deleguar i Milanit, Adriano Galiani, ka zbuluar disa detaje të marrëveshjes së arritur me lojtarin. Bekham do të qëndrojë në Itali për dy muaj e gjysëm, ku do të luajë në kampionat, në Kupën e Italisë dhe në Kupën UEFA, gjithmonë nëse Milani do të jetë kualifikuar për ndeshjet europiane të kësaj periudhe.

Gjithashtu, pas prezantimit të tij në "San Siro", pas javës së fundit të kampionatit për vitin 2008, si dhe pas zhvillimit të turneut miqësor në Dubai, më 7 janar, do të depozitohet në Ligën italiane kontrata e tij, ku bëhet fjalë për një transferim në variantin e huas nga amerikanët e Los Anxheles Galaksi. Në fund, bëhet e ditur se në marrëveshjen e arritur midis dy klubeve mund të përfshihen edhe disa ndeshje miqësore midis Milanit dhe skuadrës së Los Anxhelesit.