Ballkani në shtëpinë e Evropës dhe Orientit

Më 30 qershor në Shtëpinë e Evropës dhe të Orientit në Paris, në takimin me Jean-Arnault Dérens prezantohet vepra e fundit e këtij autori “Ballkani: mozaiku i thyer. Kufij, territore dhe identitete” (Botimet “Cygne”). Kur thuhet Ballkan, nuk ka si të mos mendohen konfliktet, identitetet konfuze të popujve, kontradiktat dhe hakmarrjet. Kryqëzimi kryesor i Evropës, Ballkani, një vend që ia vlen të njihet, karakaterizohet nga diversiteti fantastik i popujve, gjuhëve, po aq sa është dhe një rajon vendet e të cilit i bashkon fati, pafundësisht i ndodhur nën kërcënimin e perandorive dhe “fuqive të mëdha” botërore, dhe që më anë tjetër dëshmon një mënyrë të veçantë të të jetuarit në komunitet. Shkurt, Ballkani është “një Evropë tjetër” e afërt dhe e largët.

Me reportazhet e tij, Jean-Arnault Dérens përpiqet të përshkruajë fytyrat e Ballkanit dhe të shthurë fijet e këtij kompleksitetit historik dhe njerëzor.

Jean-Arnault Dérens et Laurent Geslin do të nënshkruajnë gjithashtu veprat e tyre që kanë hedhur në qarkullim këtë vit: “Kurthi i Kosovës dhe të kuptosh Ballkanin. Historia, shoqëritë, perspektivat.”

Takimi organizohet në bashkëpunim me “Le Courrier des Balkans”, Shtëpinë e Europës dhe Orientit dhe botimet “Cygne”.