Përtej qytetit burg

Etja për para nuk mundi të mposhtë dashurinë e një çifti në një qytet të varfër. Ishte Teatrit Kombëtar Shtip (Maqedoni), që vijoi ditën e dytë të Festivalit Ndërkombëtar “Skampa 2008”, në Elbasan. Trupa maqedone, e cila u paraqit me pjesën “Runaway” “Gjithandej”, të shkruar nga Vasil Iljonovski, i cili është dhe regjisor i pjesës, me skenografinë e Vlado Rafit, ngriti në skenë një qytezë me pallate të mbyllura si burg, ku zhvillohet ngjarja. Varfëri dhe prapambetje. Vajza e një familjeje të varfër, por të etur për para, dashurohet me një djalë të varfër, dhe kjo sjell debate dhe përçarje në familje mes nënës, e cila mban anën e vajzës, dhe babait, që kërkon ta martojë me një të pasur.

Dialogu ndërthuret me këngë të kënduara në stilin operistik dhe kërcime, ku kërcimtarë janë vetë aktorët, si dhe me këngë tradicionale të dasmave maqedonase. Kambana në sfond simbolizon besimin tek Zoti. Në fund, pas shumë përpjekjesh e të papriturash, vajza me ndihmën e nënës martohet me djalin që dashuronte, duke hedhur poshtë edhe duke mohuar atë mentalitet që kishte ndrydhur të gjithë zonën. Edhe pse në një gjuhë të huaj, “Gjithandej” u prit mirë nga puliku.

Nëpërmjet plastikës, skenografisë dhe intepretimit kanë marrë duartrokitje dhe vlerësime nga të gjithë duke e rënditur shfaqjen ndër prurjet me vlerë të këtij festivali teatror në edicion e dhjetë. Ndërkaq, në natën e tretë të Festivalit “Skampa 2008” ngjitet në skenë trupa e Teatrit austriak ASOU – Graz, me veprën “Origjinë e panjohur”, me regjinë e Klaus Sëevald-it.