Si vjedhin shtetin, drejtorët e dalë nga sisët e partisë

Shënimi i redaktori: Denoncimi i mëposhtëm na ka ardhur nga një lexuesnga Tirana dhe është dëshmi direkt e një prejqindra rasteve të abuzimeve “të vogla” në administratënshtetërore. Kydenoncim i është dërguar edhe kryeministrit. Nukka patur përgjigje, as reagim.

E NDERUAR REDAKSI. Historia që do t’ju dërgoj më ka ndodhur mua personalisht dhe një kolegut tim. Kemi punuar drejtues automjetesh në një dikaster shtetëror dhe tani jemi të dy të papunë.

Unë nuk do flas për rastin tim, sepse ndoshta mund të më paragjykoni, ngase jam autor i këtij denoncimi, por po ju tregoj arsyen (që nuk është arsye pse u pushua kolegu im nga puna).

Drejtori i vet, një person nga ata që dihet si vihen në krye të dikastereve, (unë i quaj individë të rritur në sisët e partisë) e urdhëroi një ditë që të çonte makinën në një servis (me emër dhe adresë të paracaktuar sigurisht). Kolegu im i tha që makina sapo kishte bërë një servis dhe ishte në gjendje shumë të mirë. Tërbimi i drejtorit ishte i pamatë. E nxori me ulërima nga zyra dhe miku im u detyrua ta çonte makinën në atë servis që e kishin urdhëruar. Pas disa ditësh e morën në telefon nga servisi dhe i thanë që mund të vinte të tërhiqte makinën se “ishte bërë gati”. Shkoi të merrte makinën dhe i dhanë të firmoste një faturë 7 milionë lekë të vjetra. Kur i tha që nuk mund ta firmoste, i thanë “po ti çar halli ke, e di drejtori yt atë punë”.

Kur u kthye në punë, kolegu im, mori direkt urdhrin e pushimit. Pse? Sepse nuk pranoi të firmoste vjedhjen e drejtorit të vet?

Këta drejtorë të dalë nga sisët e partive, këto lekë që vjedhin, mos i kanë të mamasë së tyre? Kryeministri ynë që trumbeton me të madhe antikorrupsionin, pse emëron këta drejtorë?

Sa për dijeni këtë denoncim e kemi bërë edhe në numrin celular që Kryeministri ka publikuar vetë në televizion, madje aty kemi shënuar edhe emrin e drejtorit. Por ai vazhdon të jetë në atë post. Epo, me ca të nënës e ca të njerkës nuk luftohet korrupsioni o zotërinj!